SHGM dhe SPGPM kërkojnë të krijohet një departament special në Prokurorinë Publike për mbrojtjen e gazetarëve
Kryetari i Shoqatës së Gazetarëve të Maqedonisë – SHGM së bashku me kryetarin e Sindikatës së Pavarur të Gazetarëve dhe Punonjësve Mediatik – SPGPM, Pavle Belovski sot u takuan me shefin e Prokurorisë Publike të Shkupit, Gavril Bubevski.
Gjatë takimit, Çadikovski theksoi se themelimi i një departamenti të ri në kuadër të Prokurorisë Publike është jashtëzakonisht i rëndësishëm për avancimin e bashkëpunimit dhe komunikimit të përbashkët. Ky departament do të duhej të jetë i angazhuar vetëm për trajtimin e rasteve që kanë të bëjnë me shkeljen e të drejtave të gazetarëve dhe punonjësve mediatik, sigurinë e punonjësve mediatik, si dhe për gjuhën e qartë të urrejtjes kundër tyre. Nga ana tjetër, Belovski theksoi se edhe pse siguria e gazetarëve dhe punonjësve mediatik në vend është përmirësuar në periudhën e fundit, mbetet fakti se perceptimi i shkallës së mosndëshkimit të sulmuesve të gazetarëve dhe punonjësve mediatik mbetet i lartë dhe kjo dukuri duhet të adresohet.
Dragan Sekulovski, drejtor ekzekutiv i SHGM-së theksoi se PThP-ja ka për obligim të ndjek rekomandimet e Këshillit të Evropës për mbrojtje më të madhe të gazetarëve, veçanërisht Rekomandimin CM/Rec (2016)41 nga Komiteti i Ministrave drejtuar shteteve anëtare për mbrojtjen e gazetarisë dhe gazetarisë sigurisë së gazetarëve dhe aktorëve të tjerë mediatik. Sipas këtij rekomandimi, Maqedonia si shtet anëtar i Këshillit të Evropës ka për obligim të krijojë mekanizma për mbrojtjen e punonjësve mediatik në raste kur u shkelen të drejtat e tyre dhe derisa pritet të votohen ndryshimet në Kodin Penal, ky departament special në Prokurorinë Publike do të punojë për mbrojtjen e gazetarëve, që paraqet një model i mirë, tha Sekulovski. Përveç kësaj, Sekulovski theksoi se për të ulur shkallën e mosndëshkimit është e nevojshme që Prokuroria Publike të hetojë rastet e vjetra në të cilat janë regjistruar kërcënime ndaj jetës së gazetarëve dhe të jetë proaktive në rastet kur gazetarët janë subjekt i gjuhës së urrejtjes eksplicite dhe kërcënimeve në rrjetet sociale.
Shefi i Prokurorisë Publike të Shkupit, Gavril Bubevski shprehu kënaqësinë e tij që këto propozime konstruktive nga organizatat gazetareske janë të pranueshme dhe në periudhën në vijim si institucion do të përpiqen që t’i përgjigjen pozitivisht kërkesave të SHGM-së dhe SPGPM-së.
Në takimin e sotëm gjithashtu u diskutua edhe për përmirësimin dhe avancimin e transparencës në punën e prokurorëve, caktimin e personave nga prokuroria që do të punojnë vetëm në rastet që përfshijnë gazetarët dhe punonjësit mediatik, si dhe për përmirësimin e bashkëpunimit të ndërsjellë për çështje me interes të përbashkët dhe mundësia për nënshkrimin e një memorandumi të përbashkët për bashkëpunim.
