SHGM dhe SPGPM dënojnë ashpër kërcënimet ndaj Gerovskit, institucionet të reagojnë
Shoqata e Gazetarëve të Maqedonisë dhe Sindikata e Pavarur e Gazetarëve dhe Punonjësve Mediatik dënojnë ashpër kërcënimet që i janë dërguar dje kryeredaktorit të “Plusinfo”, Branko Geroski.
Sipas informatave që i publikoi Geroski, personi Borçe Ginoski i është kërcënuar në rrjetet sociale me fjalët “Shiko mos të lajnë në Vardar”. Sipas kryeredaktorit këto kërcënime paraqesin një përpjekje për ta heshtur atë, gjegjësisht për të ndaluar një seri tekstesh në lidhje me një grup “reketësh” të lidhur me partinë politike në pushtet.
SHGM dhe SPGPM konsiderojnë se këto kërcënime paraqesin sulm i drejtpërdrejtë mbi lirinë e shprehjes dhe lirinë e mediave. Njëkohësisht thërrasim institucionet shtetërore të marrin të gjitha masat që kanë në dispozicion për të zbuluar kërcënuesin dhe ta dënojnë me qëllim që të destimulohen të gjithë ato që në të ardhmen duan të kërcënojnë ose të frikësojnë gazetarët dhe punonjësit mediatik.
Për të pasur demokraci funksionale duhet të kemi nivel të lartë të lirisë së shprehjes, ndërsa një gjë e tillë nuk mund të arrihet nëse gazetarët dhe punonjësit mediatik punojnë nën presion dhe kërcënime të vazhdueshme, sepse kjo është receta për të krijuar atmosferë të vet-censurimit.
Këto kërcënime paraqesin sulm mbi lirinë e shprehjes dhe lirinë e mediave dhe do të paraqiten te të gjitha organizatat ndërkombëtare që merren me mbrojtjen e lirisë së shprehjes.
