SHGM dhe Komisioni Rregullator i Energjetikës nënshkruan memorandum për bashkëpunim
Shoqata e Gazetarëve të Maqedonisë dhe Komisioni Rregullator i Energjetikës dhe i Shërbimeve të Ujit nënshkruan Memorandum për Bashkëpunim, në të cilin postulati themelor është informimi i qytetarëve për procedurat dhe proceset për mbrojtjen e të drejtave të konsumatorëve të shërbimeve energjetike. Memorandumi për bashkëpunim është hap shtesë drejt avancimit të misionit të transparencës së punës, ndërsa informimi i saktë dhe me kohë i mediumeve dhe publikut është kyç në këtë përcaktim – u pajtuan nënshkruesit e memorandumit.
Kryetari i SHGM-së, Mlladen Çadikovski theksoi se Memorandumi është formalizim i angazhimeve për informim të saktë dhe me kohë të konsumatorëve të shërbimeve, që i rregullon KRRE-ja dhe nënkupton edhe bazë për bashkëpunimin e mëtejshëm.
“Vlerësojmë se bashkëpunimi i përmirësuar me KRRE-në, mund të sjellë përfitim jo vetëm për gazetarët dhe anëtarët e KRRE-së, por edhe për publikun në përgjithësi”, deklaroi kryetari i SHGM-së, Mlladen Çadikovski dhe shtoi se me hapjen e KRRE-së rritet edhe transparenca e këtij institucioni. “ Kjo u ndihmon gazetarëve nga redaksionet ekonomike që më mirë ta kuptojnë esencën dhe punën e KRRE-së, por edhe të kompanive të kësaj veprimtarie dhe do të kenë qasje të plotë drejt informatave që e trajtojnë këtë tematikë”, tha ai.
“Nga dita e parë kur më kanë emëruar si Kryetar të Komisionit Rregullator të Energjetikës, bashkë me anëtarët, qëllimi kryesor, që e kemi bërë ka qenë që institucionin ta hapim për qytetarët, pasi që funksioni kryesor i trupit rregullator është t’i mbrojë të drejtat e konsumatorëve. Duke pasur parasysh se rregullojmë veprimtari, që prekin në funksionin themelor të jetesës dhe punës, jemi të vetëdijshëm për rëndësinë e informimit të saktë dhe me kohë deri te opinioni publik dhe qytetarët dhe për këtë e kemi përforcuar ekipin në mënyrë adekuate me persona, që do të punojnë në këtë segment. Përvoja e Shoqërisë së Gazetarëve, jemi të bindur se, do të na ndihmojë në trajnimin e shërbimeve profesionale në vendosjen cilësore të informatave për opinionin publik dhe, që ekspertizën tonë ta perfeksionojmë drejt shkathtësive për komunikim më të thjeshtësuar dhe të kuptueshëm për të gjithë. Këto angazhime nuk janë vetëm deklarative, të njëjtat janë reflektuar pozitivisht në raport me transparencën dhe efikasitetin e vlerësuar përmes Mirënjohjeve, që i kemi marrë nga Bashkimi Energjetik për rregullator më të mirë nga anëtaret edhe atë për dy vite rradhazi.” deklaroi Marko Bislimoski, kryetar i Komisionit Rregullator të Energjetikës dhe të Shërbimeve të Ujit
Qëllimi i nënshkrimit të këtij memorandumi është të formohet platformë e bashkëpunimit dhe trajnimeve mes anëtarëve të KRRE-së dhe gazetarëve si dhe kampanja për krijimin e kompetencave, rolit dhe rëndësisë së KRRE-së. Me memorandumin mund të kapet mundësia për qasje deri te materialet profesionale dhe literatura në KRRE dhe SHGM, përpunimi i analizave dhe hulumtimeve.
