SHGM dhe KEMM: Të respektohet rreptësishtë Kodi i Gazetarëve gjatë raportimit për Ukrainën

Shoqata e Gazetarëve të Maqedonisë (SHGM) dhe Këshilli për Etikë në Mediat në Maqedoni (KEMM), pas fillimit të luftimeve në Ukrainë, u bëjnë thirrje mediave që të informojnë me përgjegjësi dhe profesionalizëm maksimal, duke mos kontribuar në përhapjen e spekulimeve dhe të pavërtetave në opinion.

Presim që media t’i përmbahet rreptësishtë Kodit të Gazetarëve, të raportojë në mënyrë objektive dhe të bëjë verifikim maksimal të burimeve, ndërsa informacionet e ndara në rrjetet sociale të përdoren me kujdes të veçantë.

Kujtojmë se mediat nuk duhet të keqpërdoren në asnjë rast për të përhapur gjuhë radikale dhe nxitëse, triumfalizëm ushtarak dhe gjuhë urrejtjeje.

U rekomandojmë redaktorëve që të kenë kujdes të veçantë rreth publikimit të fotografive dhe regjistrimeve të të plagosurve apo të vrarëve, duke qenë se bëhet fjalë për një material të ndjeshëm me përmbajtje shqetësuese, i cili mund të arrijë tek kategoritë vulnerabile të qytetarëve dhe tek të miturit.

U bëjmë thirrje qytetarëve që do të vërejnë raportime joprofesionale gazetareske që të reagojnë menjëherë në KEMM duke paraqitur ankesë kundër mediave në këtë hallkë: https://complaints.semm.mk/