SHGM dhe KEMM: Të respektohen Kodi dhe Udhëzimet Etike në raportimin mbi konfliktin midis Izraelit dhe Palestinës

Shoqata e Gazetarëve të Maqedonisë dhe Këshilli për Etikë në Media theksojnë se është me rëndësi të madhe që mediat të informojnë me përgjegjësi dhe profesionalizëm për konfliktin mes Izraelit dhe Palestinës.

Është i nevojshëm respektimi i Kodit të Gazetarëve dhe Udhëzimeve Etike për raportimin online të situatave të krizës, për të ndaluar përhapjen e spekulimeve, të pavërtetave dhe lajmeve të paverifikuara në publik.

Nga mediat presim respektimin rigoroz të Kodit të Gazetarëve, objektivitetin dhe verifikimin maksimal të burimeve, si dhe informacionet e postuara në rrjetet sociale të përdoren me kujdes të veçantë.

Raportimi i konfliktit duhet të jetë i përgjegjshëm dhe mbi të gjitha profesional, duke u përpjekur të sigurohet raportim i balancuar, i bazuar në fakte, dhe duke u siguruar që të gjitha anët e konfliktit të përfaqësohen me saktësi, gjithnjë duke iu përmbajtur parimeve të gazetarit etik. 

Ju kujtojmë se mediat në asnjë rast nuk duhet të keqpërdoren për përhapjen e gjuhës së urrejtjes dhe dezinformimit.

Rekomandim deri tek redaktorët që të kenë kujdes të veçantë në publikimin e fotografive dhe videove të personave të lënduar apo të vdekur, duke pasur parasysh se bëhet fjalë për material delikat me përmbajtje shqetësuese, i cili mund të prekë kategoritë e cenueshme të qytetarëve dhe të miturve.

Ftojmë qytetarët të cilët vërejnë raportime joprofesionale gazetareske që menjëherë të reagojnë tek Këshilli i Nderit në SHGM (contact@znm.org.mk) dhe KEMM duke parashtruar ankesë kundër mediave. (https://complaints.semm.mk)