SHGM dhe KEMM: Nuk ka vend për sensacione në media kur ka tragjedi personale
Shoqata e Gazetarëve të Maqedonisë (SHGM) dhe Këshilli për Etikë në Media (KEMM) apelojnë që mediat gjatë raportimit për ngjarje me pasoja tragjike, të përcjella me jetë të humbura njerëzish, të respektojnë në mënyrë konsekuente Kodin e Gazetarëve të Maqedonisë.
Pas aksidentit në komunikacion që ndodhi mbrëmë, në afërsi të Qendrës Tregtare “City Mall”, nga pasojat e të cilit sipas informacioneve zyrtare ka humbur jetën një person, SHGM dhe KEMM reagojnë të shqetësuar për përhapjen e titujve dhe informacioneve sensacionale.
Publikimi i pamjeve eksplicite nga aksidenti në komunikacion mund të shqetësojë publikun dhe të shkaktojnë dhimbje emocionale shtesë tek familjarët dhe të afërmit e personave të ndjerë.
Mediat kanë detyrim të informojë publikun për informacione me interes publik, por në të njëjtën kohë të respektojnë privatësinë e personit, si dhe dhimbjen dhe pikëllimin personal dhe në përputhje me nenin 8 të Kodit të Gazetarisë – sipas të cilit “mënyra e informimit në rastet e tragjedive familjare duhet të jetë e çliruar nga sensacionalizmi”.
