SHGM: Dënim të ashpër për kërcënimet publike për dhunë ndaj gazetarëve dhe punëtorëve të mediave, të drejtuara në emisionin kontaktues në TV 24

Shoqata e Gazetarëve të Maqedonisë (SHGM) reagon ashpër dhe dënon kërcënimet publike, gjuhën e urrejtjes ndaj të gjithë gazetarëve dhe punëtorëve mediatik dhe ndaj gazetarit Ognen Janeski, të cilat i janë drejtuar nga një shikues në dy emisione kontaktuese më 27 qershor 2023, në TV 24.

Më konkretisht, gjatë edicionit të djeshëm të emisionit “Në rrjedhë” në televizionin 24, i cili është një format kontaktues, një teleshikues anonim kërcënoi se do të rrihte të gjithë gazetarët e televizioneve, gjë që paraqet gjuhë të urrejtjes ndaj të gjithë profesionistëve gazetaresk, punonjësve të mediave dhe televizioneve në përgjithësi.

I njëjti, përmes një thirrjeje shtesë në emisionin e pasdites “Sy më sy”, ka kërcënuar verbalisht kolegun Ognen Janeski me fjalë: “E këta që paraqiten dhe të mbështesin, të ngrejnë në qiell do të përmbysin. Të njëjtit, përsëri. Faleminderit për padinë që do ta dërgosh kundër meje. Ndërsa ne do të takohemi në një vend tjetër, aty ku jeton ti”, akt i cili përbën kërcënim për sigurinë e tij.

Ky është një veprim përfundimisht i papranueshëm dhe paraqet presion dhe kërcënim të drejtpërdrejtë për sigurinë e gazetarëve dhe punonjësve mediatik, si dhe për lirinë e të shprehurit.

Rasti është denoncuar te prokurori publik kompetent dhe kërkojmë që Prokuroria Publike Themelore të zhvilloj hetim të shpejtë në mënyrë që rastet e tilla të sanksionohen menjëherë.
Llojet e këtilla të komenteve mund të shkaktojnë frikë tek gazetarët dhe punonjësit e mediave si dhe të kërcënojnë sigurinë e tyre duke nxitur dhunën. Është koha që të kuptojmë seriozitetin e sulmeve verbale të këtij lloji dhe t’i japim fund sjelljeve të pandëshkuara drejt përfaqësuesve të caktuar publik.

Sipas ndryshimeve ligjore në Kodin Penal nga shkurti i vitit 2023, në seksionin për rrezikimin e sigurisë parashikohet një formë e re e kualifikuar, e cila përveç dënimeve më të larta për shkeljen e këtyre të drejtave të gazetarit apo punonëtorit mediatik apo ndonjë personi tjetër që punon në interes të publikut, gjatë kryerjes së detyrave profesionale ose në lidhje me kryerjen e detyrave profesionale, Prokuroria do të veprojë sipas detyrës zyrtare.

Kujtojmë se sipas Kodit Penal, kushdo që në publik promovon ose nxit urrejtje, diskriminim ose dhunë ndaj çdo personi ose grupi është vepër penale dhe dënohet me burgim nga një deri në dhjetë vjet.