Seksioni i kameramanëve të SHGM-së në takim me Presidentin Stevo Pendarovski

Përfaqësues të Seksionit të kameramanëve të Shoqatës së Gazetarëve të Maqedonisë dje zhvilluan takim me Presidentin e Republikës së Maqedonisë së Veriut, Stevo Pendarovski, Gjatë takimit ato biseduan për sfidat dhe problemet me të cilët përballohen kameramanët gjatë punës, si dhe për aktivitetet që i bën Seksioni i kameramanëve në mënyrë që t’i tejkalojë ato.

Një prej aktiviteteve që ishin të prezantuara para shefit të shtetit ishte Doracaku për punë profesionale, të sigurt dhe etike të kameramanëve në të cilin jepen udhëzime dhe këshilla për punën e përditshme të kameramanëve. Përveç kësaj, u diskutua edhe për punëtorinë e mbajtur para disa javëve me temë: “Teknika të reja të incizimit, etika dhe sjellja profesionale në punën e kameramanëve”, ku morën pjesë rreth 25 kameramanë nga tërë vendi.

Kameramanët than se kjo është hera e parë që janë bashkuar pothuaj se të gjithë kameramanët brenda një shoqate dhe theksuan se çmojnë shumë ndihmën që marrin nga Shoqata e Gazetarëve në aspekt të organizimit dhe arritjes së qëllimeve dhe aktiviteteve të parashikuara të Seksionit.

Presidenti Pendarovski tha se kameramanët janë jashtëzakonisht të rëndësishëm në punën e medieve dhe për këtë arsye ato duhet të mbështeten për t’i përmirësuar kushtet e punës, mbrojtjen gjatë punës në teren, në institucionet dhe jashtë tyre.