Seksioni i kameramanëve në SHGM zgjodhi koordinatorët e rinj

Seksioni i kameramanëve profesionistë në kuadër të Shoqatës së Gazetarëve të Maqedonisë mbajti takim ku u zgjodhën koordinatorët e rinj.

Fjalimin hyrës e mbajti drejtori i SHGM-së, Dragan Sekulovski, i cili përshëndeti iniciativën për takimin dhe angazhimin e deritanishëm në realizimin e aktiviteteve të parapara me themelimin e saj.

Koordinatorët e mëparshëm të seksionit ishin Trajçe Ilievski, Zoran Dogov dhe Robert Kocev. Të pranishmëve iu drejtuan Ilievski dhe Dogov, të cilët së bashku kujtuan të gjitha trajnimet dhe ngjarjet në katër vitet e fundit që kontribuan në përmirësimin e bashkëpunimit të ndërsjellë dhe bashkëpunimit me kolegët gazetarë dhe përmirësimin e marrëdhënieve me institucionet.

Pas përfundimit të pjesës zyrtare u realizua votimi, i cili u bazua në propozimet e disa kolegëve.

Nëpërmjet ngritjes së dorës, shumica vendosi që koordinatorët e rinj të seksionit të jenë: Zoran Dogov, Vedut Osmani, Adriana Jovanovska dhe Risto Mishev.

Ky seksion është krijuar në vitin 2019, me iniciativën e kameramanëve dhe drejtuesve të Shoqatës, për të përmirësuar kushtet e punës së kameramanëve, si dhe për përmirësimin e bashkëpunimit të kameramanëve me institucionet. Pjesë e seksionit janë kameramanë nga të gjitha televizionet nga Maqedonia si dhe nga servisi publik.

Gjatë debatit pas zgjedhjes së koordinatorëve të rinj, u diskutua për aktivitetet e Seksionit të kameramanëve profesionistë për katër vitet e ardhshme që do të vazhdojë të kontribuojnë në dobi të kolegëve kameramanë dhe pozicionit të tyre në hapësirën mediatike.