Seksioni i kameramanëve të Shoqatës së Gazetarëve të Maqedonisë (SHGM) reagon ndaj mënyrës se si u organizua ngjarja e sotme për media nga ana e Bashkimit të Dhomave të Tregtisë në një restorant në Shkup.

Shumë kameramanë, por edhe fotoreporterë dhe gazetarë nuk kishin kushtet e duhura për të kryer punën e tyre në mënyrë profesionale për shkak të hapësirës joadekuate që u dha nga organizatori i ngjarjes. Në të njëjtën kohë, sipas kameramanëve që kanë qenë të pranishëm në ngjarje, MCC nuk ka respektuar protokollet për distancën fizike dhe më shumë kameramanë ishin vendosur në një hapësirë të vogël, gjë që vuri në rrezik shëndetin dhe sigurinë e tyre.

Anëtarët e Seksionit të Kameramanëve të SHGM-së u kërkojnë organizatorëve të ngjarjeve në të ardhmen të sigurojnë kushte të përshtatshme të punës për mediat dhe të ndjekin protokollet shëndetësore të parashikuara për ngjarjet publike. Nëse kjo nuk respektohet në të ardhmen, kameramanët nuk do të ndjekin këto ngjarje dhe SHGM do të nis procedurat e duhura ligjore kundër organizatorëve.