Realizohet takim në Tetovë : Gazetarët dhe institucionet së bashku për më shumë siguri
Shoqata e Gazetarëve të Maqedonisë (SHGM) organizoi takim pune me gazetarë dhe punëtorë mediatikë nga qendra rajonale në Tetovë, më 12 qershor 2024.
Fokusi ishte në përmirësimin e sigurisë së gazetarëve dhe punonjësve të mediave, si dhe përmirësimin e bashkëpunimit me Ministrinë e Punëve të Brendshme (MPB) dhe Zyrën e Prokurorit Publik (PTHP).
Në fillim të takimit foli kryetari i SHGM-së, Mlladen Çadikovski, i cili theksoi rëndësinë e sigurisë së gazetarëve, përkatësisht nevojën për raportim të lirë dhe të papenguar të ngjarjeve në terren, efikasitetin në mbrojtjen e gazetarëve me zbatimin e plotë të instrumenteve ligjore që disponojnë institucionet.
Urim Hasipi, koordinator i qendrës rajonale nga Tetova, theksoi rëndësinë e bashkëpunimit rajonal, shkëmbimit të përvojave të ndërsjella dhe praktikave më të mira me kolegët nga vendi.
Në fund u zhvillua një diskutim mes të pranishmëve në të cilin u shkëmbyen ide për përmirësimin e bashkëpunimit mes gazetarëve dhe institucioneve, që rezultoi me konkluzione dhe rekomandime konkrete.
SHGM mbetet e përkushtuar në mbështetjen dhe mbrojtjen e të drejtave të gazetarëve dhe punonjësve të medias, dhe do të vazhdojë të punojë për këto çështje kyçe edhe në të ardhmen, ndërsa ky lloj i mbledhjeve planifikohet të organizohet me të gjashtë qendrat rajonale të SHGM-së.
Ngjarja është pjesë e projektit rajonal “Forcimi i lirisë së medias në Bosnjë dhe Hercegovinë, Maqedoninë e Veriut dhe Serbi”, financuar nga Mbretëria e Holandës dhe zbatuar nga Komiteti Hollandez i Helsinkit dhe Free Press Unlimited, në partneritet me SHGM-në. Pikëpamjet dhe opinionet e shprehura në këtë ngjarje nuk përfaqësojnë domosdoshmërisht pikëpamjet e Mbretërisë së Holandës ose të organizatave që zbatojnë projektin ose partnerit të tyre lokal.
