Punëtori e përbashkët e SHGM-së dhe Odës së Mjekëve të Maqedonisë së Veriut: “Mbikëqyrja profesionale dhe gabimi mjekësor – koncepte dhe dallime”
Shoqata e Gazetarëve të Maqedonisë (SHGM) së bashku me Odën e Mjekëve të Maqedonisë së Veriut organizuan punëtori me temë “Mbikqyrja profesionale dhe gabimi mjekësor – konceptet dhe dallimet” që synon nxitjen e bashkëpunimit dhe mirëkuptimit të ndërsjellë mes dy profesioneve.
Diskutimin e hapi Mishko Ivanov, anëtar i Bordit Drejtues të SHGM-së, i cili përshëndeti iniciativën për takime të tilla sepse në këtë mënyrë sipas tij, do të përmirësohet marrëdhënia mes gazetarëve dhe mjekëve.
Irena Mulaçka, gazetare që raporton për tema shëndetësore, foli për hulumtimet për gabimet mjekësore përmes shembujve nga praktika ndër vite, ku pjesëmarrësit kishin mundësi të njihen me procesin e marrjes së stories, hulumtimit, pritjes për
informacion, kërkimin e provave, deklaratat nga burime të shumta dhe së fundmi, publikimin e storjes.
Mulaçka foli edhe për përgjegjësinë që gazetarët kanë para publikut kur publikojnë storje nga fusha e shëndetësisë, sidomos kur bëhet fjalë për tema të ndjeshme.
Të pranishmëve iu drejtua edhe kryetarja e Odës së Mjekësisë, Prof.Dr.Kalina Grivçeva Stardellova, e cila u ndal tek të drejtat, detyrimet dhe kompetencat e Odës, si dhe informacioni në lidhje me procedurat e punës që mund dhe duhet të ndahet me publikun, pra se si bëhet mbikëqyrja profesionale në vend dhe në shtete Evropiane.
Dr. Renata Stankov nga Inspektorati Shtetëror për Shëndetësi dhe Sanitari si dhe udhëheqësi i Institutit për Mjekësi Ligjore Aleksandar Stankov, trajtuan temën e kompetencave dhe aktiviteteve.
Të dyja organizatat pajtohen se ekziston nevoja për të ngritur nivelin e bashkëpunimit dhe komunikimit mes gazetarëve dhe mjekëve përmes aktiviteteve që kanë për qëllim përmirësimin e pozitës së mjekëve dhe punonjësve të medias në situata krize, zbatimin e aktiviteteve të përbashkëta që synojnë edukimin për ngritjen e cilësisë së mbulimit mediatik lidhur me çështjet shëndetësore.
Gjatë diskutimit, pjesëmarrësit nga të dyja palët dhanë propozime për bashkëpunim konstruktiv në të ardhmen, me qëllim rritjen e transparencës dhe disponueshmërisë e mjekëve nga njëra anë dhe nga ana tjetër respektimi i parimeve të raportimit nga gazetarët, pra gjithmonë duke respektuar Kodin e Etikës.
