Shoqata e Gazetarëve të Maqedonisë (SHGM) kërkon nga Prokuroria Themelore Publike (PThP) në Shkup të hedhë poshtë akuzën penale të Agjencisë për Kundërzbulim ndaj gazetarëve Goran Momirovski dhe Dragan Milosavleviq. Kohë më parë Momirovski dhe Milosavljevic u ftuan të japin deklaratë në PThP ndërsa arsyeja për këtë ishte emisioni “Flej nëse mundesh” i cili është transmetuar në TV Alfa më 11 janar, viti 2021.

Theksojmë se kallëzimi penal ndaj gazetarëve për akte të cilët në rast të shkeljes dënohen me disa vite burg, posaçërisht nga ana e strukturave të sigurisë mund të dëmtojnë më tej lirinë e shprehjes në vend, e cila edhe tani nuk është në nivel të duhur. Veprimet e tilla mund të kuptohen si trysni ndaj kritikës publike posaçërisht duke marr parasysh se ky emision është emetuar në janar të vitit 2021, ndërsa gazetarët janë ftuar të japin deklaratë në PThP kah fundi i nëntorit, domethënë pothuajse nëntë muaj më vonë.  Vlerësojmë se gazetarët kanë edhe të drejtë edhe për obligim të merren edhe me tema që janë të lidhura me sigurinë kombëtare, duke i respektuar plotësisht parimet etike dhe standardet profesionale gjatë kryerjes së punës së tyre dhe duke ndjekur interesin publik.

Nëse Agjencia për Kundërzbulim ose cili do qoftë institucion tjetër është i pakënaqur nga mënyra e raportimit të gazetarëve ose mediave i inkurajojmë të përdorin vetëm mekanizmat vetërregullues.  

Dorëzimi i ankesave në Këshillin për Etikë në Mediat ose në Këshillin e Nderit është mënyra më e mirë për të konstatuar nëse raportimi i gazetarëve ka qenë në përputhje me parimet etike dhe me standardet profesionale të gazetarisë.

Akuzat penale kundër gazetarëve ishin një praktikë e zakonshme në të kaluarën dhe për shkak të tyre Maqedonia shënoi një rënie drastike në të gjitha indekset kredibile që matin lirinë e shprehjes dhe ishte e perceptuar si një vend në të cilin liria e shprehjes dhe e drejta e informimit janë të kufizuar.