Pjesëtarët e policisë nuk guxojnë të pengojnë punën e gazetarëve

Gjatë ditës së djeshme 04.04.2021 (e diel) kolegja Ubavka Janevska, gazetare në online mediumin “Duma.mk” ka paraqitur incident në të cilin një polic nga SVR Veles ia mori telefonin celular gazetares Stefani Maneva nga portali “Duma.mk” dhe ia ka fshirë fotografitë nga telefoni i saj përderisa ajo ishte duke kryer një detyrë pune para urës “Gemixhii” në Veles. Incidenti ka ndodhur gjatë kohës kur gazetarja Maneva po punonte për mbledhjen e informatave për lajmin “Një tren mallrash shkeli një njeri në qendër të Velesit”.

Shoqata e Gazetarëve të Maqedonisë (SHGM) përmes avokatëve të saj do të veprojë sipas kërkesës së Ubavka Janevska, gazetare nga online mediumi “Duma.mk” dhe do të paraqesë një ankesë në kontrollin e brendshëm të Ministrisë së Punëve të Brendshme për të hetuar këtë rast dhe nëse përcaktohet tejkalimi i kompetencave të zyrtarëve të policisë, SHGM do të insistojë që të merren masat e duhura disiplinore.