Përfaqësues të SHGM-së u takuan me Кryetarin e Parlamentit

Shoqata e Gazetarëve të Maqedonisë dhe eksperti Evropian Peter Vanhojte sot u takuan me Кryetarin e Parlamentit, Talat Xhaferi, ku diskutuan për reformat e ardhshme në media dhe për rolin e rëndësishëm të Kuvendit në zbatimin e tyre.

Eksperti Vanhojte theksoi që për të mundur Parlamenti të ndjekë dinamikën e reformave duhet të përforcojë kapacitetet, sidomos në organizimin e diskutimeve në komisionet dhe në miratimin e ligjeve për mediat. Sipas tij, roli i Kuvendit gjatë reformave për media është i rëndësishëm sepse procesi i përzgjedhjes dhe emërimit të anëtarëve të Këshillit të Programit të Radio-Televizionit të Maqedonisë dhe Këshillit të Agjencisë për media, i cili duhet të jetë transparent dhe i bazuar në kritere të qarta në mënyrë që të zgjidhen kandidatët më të mirë.

Kryetari i SHGM-së, Naser Selmani beson se Parlamenti mbanë rol dhe përgjegjësi të rëndësishme për të siguruar lirinë e shprehjes në vend. Ai tha se Parlamenti çdo vit duhet të organizojë debat në lidhje me lirinë e fjalës dhe t’i shfrytëzojë të gjithë mekanizmat për të përmirësuar gjendjen.

Selmani gjithashtu kërkoi të përmirësohen kushtet për punë të korespodentëve në Kuvend dhe të përmirësohet komunikimi me to nepërmjet të organizimit të rreg brifingjeve dhe konferencave të shtypit.

Kryetari Xhaferi shprehi gatishmëri të bashkëpunojë me ShGM-në dhe me organizatat tjera qytetare, që janë të interesuara të marrin pjesë në diskusionet e komisioneve për ligje të caktuara. Xhaferi premtoi se do të bë gjithçka që t’i përmirësojë kushtet për punë të gazetarëve në Kuvend dhe se do të përmirësojë komunikimin me ato.

Shkup, 30.06.2017