Përçmimet publike dhe thirrjet për vdekje të gazetarëve janë të papranueshme

Shoqata e Gazetarëve të Maqedonisë (SHGM) reagon ndaj komunikimit të papërshtatshëm publik i mbushur me ofendime dhe kërcënime të vrazhda ndaj gazetarëve, të publikuara në profilin e Facebook-ut të Bozhidar Bozhinovskit.

Në disa ditët e fundit personi Bozhinovski përmes rrjetit social Facebook, në një nga postimet, në profilin e lartpërmendur, ka publikuar një fotografi personale të gazetarit Borjan Jovanovski duke shkruar në tekstin se: “ai është fashist, ka dalë në televizion dhe nuk ka thënë asgjë për fashistët në Ohër… Unë këtij do t’i sugjeroja opsionin e Adolfit, që sa më parë të na shpëtojë nga ekzistenca e tij”.

Publikimi i këtij lloji të përmbajtjeve për kolegun Jovanovski mund të nxisë gjuhën e urrejtjes nga ana e palëve të treta në rrjetet sociale si dhe në një pjesë të mediave online. Urrejtja mund të kërcënojë drejtpërdrejtë sigurinë e gazetarëve dhe individëve të tjerë, që do të thotë se përveç autorëve, përgjegjësi penale do të mbajnë edhe ata që kanë nxitur aktet e urrejtjes.

Liria e shprehjes duhet të promovohet dhe të mbrohet si një nga të drejtat më të rëndësishme të njeriut, por në të njëjtën kohë duhet të dihet se realizimi i këtyre lirive përfshin edhe obligime dhe përgjegjësi.