Partitë nuk heqin dorë nga kontrolli mbi mediat

Marrëveshja e partive për mediat është farsë e pastër politike dhe nuk garanton reforma të vërteta në media. Kjo marrëveshje nuk ofron zgjidhje të qëndrueshme, të cilat do të çlirojnë mediat nga kontrolli i partive. Përkundrazi, marrëveshja do ta thellojë partizimin e sistemit mediatik.

Agjencia e mediave dhe Radio televizioni i Maqedonisë do vazhdojnë të kontrollohen nga partitë në ushtet. E reja e vetme është se opozita fiton mundësi të ushtrojë trysni ndaj këtyre institucioneve. Në vend të kemi rregullator mediatik dhe TVM të pavarur dhe professionale, njëqind ditë para zgjedhjeve do të kemi institucione të shantazuara nga interesat partiake.

Formimi i trupit ad hok partiak në kuadër të Agjencisë së mediave, i cili duhet të monitorojë raportimin e mediave njëqind ditë para zgjedhjeve, është tërrësisht i papranueshëm. Zgjidhje e vetme e qëndrushme është zgjedhja e Këshillit të ri të Agjencisë, ku do të nominohen persona të pavarur dhe profesional. Prandaj, SHGM nuk do të merr pjesë në konsultimet partiake për formimin e këtij trupi, sepse nuk duam të legjitimojmë zgjidhje të paqëndrushme dhe partiake, që nuk janë në interes të gazetarëve.

Absurde është edhe zgjidhja për MTV. Redaktori partiak i pushtetit, do të zëvendësohet me një redaktor të dëgjueshëm të opozitës. Kjo edhe më tepër do ta intensifikojë trysninë partiake mbi RTM, e cila në vend që t’u shërbejë qytetarëve, do të jetë peng i interesave partiake.

Nëse duam servis publik të pavarur dhe profesional, strukturat drejtuese të TVM duhet të departizohen dhe të garantohet burim i pavarur dhe i qëndrueshëm i finansimit.

Me keqardhje konstatojmë se në Maqedoni nuk ka vullnet politik për reforma të vërteta në media. Duket qartë se nënshkruesit e Marrëveshjes së Përzhinos nuk kanë vullnet dhe kapacitet për të demokratizuar vendin, e as ta integrojnë në BE dhe NATO.

Linki i videos nga konferenca per shtyp: https://www.youtube.com/watch?v=lgk0HyyT8TY