Parlamenti Europian: Maqedonia në fund për lirinë e medias në Balkan

Maqedonia gjindet në vendin e fundit në Balkanin Perëndimor për respektimin e lirinë e medias vlerëson Qendra hulumtuese e Parlamentit Europian, i cili në maj, këtë vit, në veb faqën e tij publikoi raport të shkurtër për gjendjen e lirisë së fjalës në shtetet Balkanike.

Në raportin, si arsye kryesore për klimën e keqe në mediat në Maqedoni janë cekur disa faktorë, ndër të cilët është moszbatimi i ligjeve egzistuese, mediat janë në pronësi të personave të afërt me qeverinë, dhuna ndaj gazetarëve, klientalizmi, politizimi dhe korupcioni si dhe mungesa e vullnetit politik për promovimin e pluralizmit në media. Këto janë vetëm pjesë e komenteve nga raporti.

Në këtë brifing Parlamenti Europian u bën thirrje shteteve aspiruese të krijojnë klimë të volitshme për punë të mediave, që do të mundësojë raportim të saktë dhe objektiv.

Ai bën thirrje për një rol proaktiv të organizatave dhe të organeve vetë-rregulluese, përmirësim të efikasitetit të sistemit gjyqësor, përkushtim politik dhe rol më të rëndësishëm të shoqërisë civile, ku në afat të gjatë të gjithë sëbashku duhet të kontribuojnë për përmirësimin e klimës mediatike.

Në raportin e tyre Qendra parlamentare e Europës për hulumtime, thirret edhe në hulumtimin e bërë nga ShGM në kuadër të projektit rajonal “Platforma rajonale e Balkanit perëndimor për lirinë e medias dhe për mbrojtje të gazetarëve”.

ShGM, 11 Maj, viti 2017