Në Veles u mbajt punëtoria me temë: “Siguria e gazetarëve dhe punonjësit mediatik dhe kufizimi i lirisë së shprehjes”
Shoqata e Gazetarëve të Maqedonisë në bashkëpunim me Akademinë për gjykatës dhe prokurorë publik dhe Misioni i OSBE-së në Shkup organizuan punëtori me temë: “Siguria e gazetarëve dhe punonjësit mediatik dhe kufizimi i lirisë së shprehjes”. Punëtoria u mbajt nga 20-21 nëntor në hotelin “Gardenija” në Veles.
Një ndër temave që u përfshinë gjatë trajnimit ishte siguria e gazetarëve përkundër kufizimeve të lirisë së shprehjes sipas Konventës Evropiane për të Drejtat e Njeriut të Këshillit të Evropës. Gjithashtu, u bisedua edhe për gjuhën e urrejtjes në mediat dhe në internet nëpërmjet të legjislacionit dhe praktikat vendore dhe ndërkombëtare në Evropë.
Në këtë ngjarje morën pjesë gazetarët, gjykatësit, prokurorët publik dhe juristët që ndjekin profesionalisht dhe punojnë në këtë problematikë. U theksua se gjykatësit, prokurorët dhe juristët mbajnë rol të rëndësishëm në mbrojtjen e lirisë së medias dhe qasjen në informata. Nga ana tjetër gjyqësore ka ndikim mbi sigurinë e gazetarëve në aspekt të parandalimit, mbrojtjes dhe ndjekjes penale të sulmeve mbi gazetarët.
Punëtorinë e udhëhoqën Margarita Caca Nikolovska (ish gjykatëse në Gjykatën Evropiane për të Drejtat e Njeriut), D-r Snezhana Trpevska (Insitutit RESIS), Emilija Petreska – Kamenjarova (Agjencia për Shërbime Mediatike Audio dhe Audiovizuele) dhe avokati Ivan Breshkovski.
Ky aktivitet ishte i organizuar në kuadër të projektit “Gazetarë të sigurt për informata të besueshme në Maqedoninë e Veriut”, i zbatuar nga Shoqata e Gazetarëve të Maqedonisë, dhe i mbështetur nga Ambasada e Mbretërisë së Holandës në Maqedoninë e Veriut dhe Misionit të OSBE-së në Shkup.
