Ndërron jetë gazetari Agron Sulejman

Shoqata e Gazetarëve të Maqedonisë (SHGM) me pikëllim të thellë mori lajmin për ndarjen nga jeta të anëtarit tonë shumëvjeçar, Agron Sulejman.

Agron Sulejmani ishte kryeredaktor përgjegjës i portalit të specializuar Autoinfo.mk dhe një nga gazetarët më të njohur në Maqedoni në fushën e automobilizmit. Si ekspert i automobilizmit dhe analist për sigurinë në komunikacion, ai njihej për profesionalizmin, kompetencën dhe njohuritë e tij të jashtëzakonshme mbi zhvillimet në tregun vendor dhe ndërkombëtar të automobilave.

Gjatë karrierës së tij shumëvjeçare, Agron Sulejman la një kontribut të rëndësishëm dhe të qëndrueshëm në gazetarinë e Maqedonisë, duke punuar me përkushtim, përgjegjësi dhe në përputhje me standardet më të larta profesionale.

SHGM shpreh ngushëllimet më të sinqerta për familjen e tij, të afërmit, kolegët dhe të gjithë ata që patën nderin të bashkëpunojnë me të.

U prehtë në paqe.