MPB të ndëshkojë sigurimin e Gruevskit

Shoqata e gazetarëve të Maqedonisë ka dorëzuar ankesë në Sektorin për kontrollë të brendshëm dhe standarde profesionale të Ministrisë së punëve të brendshme, ku kërkon të ngrejë procesdurë disciplinore kundër dy pjesëtarëve të sigurimit të ish kryeministrit Nikolla Gruevski, të cilët javën e shkuar hynë në Televizionin 21 dhe detyruan gazetarin Kristijan Landov da fshije inçizime nga telefoni i tij cellular. SHGM kërkon që MPB t’i zbardhë të gjitha rrethanat e ngjarrjes dhe ashpër të ndëshkojë pjesëtarët e sigurimit të Gruevskit për shkak të ndërhyrjes së tyre joligjore dhe joprofesionale.

Në letër theksohet se fshirja e inçizimeve të gazetarëve është akt çenzure, i dënueshëm me kushtetutë.

“Askush nuk ka të drejtë, as bile pjesëtarët e policisë, t’u konfiskojnë gazetarëve telefona celular ose t’u imponojnë t’i fshijë materialet e inçizuara jashtë procesdurës gjyqësore”, thuhet të letër.

SHGM përkujton MPB se Gruevski si kryetar i VMRO-DPMNE është person publik dhe gazetarët kanë të drejtë ta inçizojnë në hapësirë publike.

“Nëse Gruevski ka vlerësuar se gazetari ka shkelur privatësinë e tij, ka mundur të ngrejë porcedurë gjyqësore, por në asnjë rast pjesërtarët tuaj nuk kanë guxuar të hyjnë në hapësirat e televizionit dhe ta urdhërojnë gazetarin t’i fshijë inçizimet”, shtohet në letër.