Me iniciativë të SHGM-së, në ASHMAA u zhvillua takimi i dytë me temë-përforcimi i rrjetit të korrespondentëve të koncesionarëve nacional
Me iniciativë të Shoqatës së Gazetarëve të Maqedonisë (SHGM), në Agjencinë për Shërbime Mediatike Audio dhe Audiovizuele (ASHMAA), u zhvillua debat publik ku morën pjesë përfaqësues të SHGM-së, drejtori i Agjencisë me përfaqësues të Këshillit, si dhe përfaqësues të disa televizioneve nacionale.
Qëllimi i takimit ishte të shqyrtohet dhe diskutohet kërkesa e SHGM-së për ndryshimin e Rregullores për kushtet minimale teknike, hapësinore, financiare dhe kadrovike për marrjen e licencës për transmetim radio dhe televiziv, me të cilën do të rregullohej obligimi i transmetuesve për angazhimin e punëtorëve mediatikë jashtë Shkupit.
Pas fjalimit të drejtorit të ASHMAA-së Dr. Zoran Trajçevski, i cili hapi takimin, u drejtua edhe Mlladen Çadikovski kryetari i SHGM-së, i cili shkurt shpjegoi arsyet se pse është i nevojshëm të bëhet ky ndryshim. Perspektiva lokale, shpejtësia dhe saktësia e raportimit, efikasiteti më i madh në punë, ndërtimi i besimit me komunitetet lokale si dhe diversiteti gjatë informimit.
“Korrespondentët lokal luajnë rol kyç në mbulimin dhe raportimin e lajmeve dhe ngjarjeve në Maqedoninë e Veriut. Ata ofrojnë perspektivë lokale, shpejtësi dhe saktësi të raportimit, kosto efektive, ndërtojnë besim dhe sigurojnë mbulim të larmishëm, duke ndihmuar stacionet televizive nacionale të krijojnë besueshmërinë e tyre dhe të arrijnë të prekin audiencë më të gjerë. Në këtë mënyrë do të krijohet opinioni publik në kuptim më të gjerë. Aktualisht në ASHMAA ekzistojnë rregullore me domen të ngjashëm, kështu që nuk duhet të ketë probleme gjatë përfshirjes së ndryshimeve të tilla”, tha në fjalimin e tij Çadikovski.
Gjatë takimit u zhvillua diskutim me përfaqësuesit e televizioneve nacionale, i cili rezultoi me propozime pozitive në lidhje me ndryshimet e Rregullores. Qëndrimi i përgjithshëm i stacioneve televizive është se askujt nuk do ti pengojë që të ketë korrespondentë lokal nga qytete të tjera, por disa prej tyre shohin sfida në fushën e financave, gjegjësisht në kushte kur mediat nuk kanë fonde të mjaftueshme për të funksionuar normalisht, puna vështirësohet dhe gjatë kësaj nuk ka ndihmë nga Rregullatori apo ndonjë organ tjetër kompetent. Gjithashtu u ngrit edhe dilema nëse ka mjaft gazetarë të lirë që do të përshtateshin me nevojat e këtyre televizioneve me qëllim që të krijohet përmbajtje e cila do të mbulon temat me interes lokal dhe rajonal.
Dragan Sekullovski nga SHGM, pas paraqitjes së qëndrimeve dhe problemeve konstatoi se ka nevojë të përgatitet analizë nga ana Rregullatorit ku do të jetë partner SHGM, duke lënë hapësirë për pjesëmarrje edhe koncesionarët nacional me sugjerime përkatëse.
Takimi ishte vazhdimësi e takimit të mbajtur muajin e kaluar me drejtorin e ASHMAA-së, me iniciativë të SHGM-së, ku morën pjesë Mlladen Chadikovski, Dragan Sekullovski, Dimitar Micev nga TV Kanali VIS nga Strumica dhe Nexhat Aqifi nga TV Festa Kumanovë, koordinator i SHGM-së për këtë rajon.
