Me gazetarë të burgosur nuk ka liri të mediave

Derisa mbarë bota demokratike shënon ditën e lirisë e shtypit, ne erdhëm para burgut të Shuto orizarës sepse simbolika e tij më së miri flet për mungesën e lirisë së mediave në Maqedoni.

Pas këtyre mureve është burgosur gazetari Zoran Bozhinovski, për shkak të akuzave të pabaza. Faji i vetëm i tij është guximi për të shkruar për fytyrën e shëmtuar të pushteiti, për gënjeshtrat, krimin dhe jomoralitetin e tij.

Ata që Maqedoninë e shëndruan në laborator të përgjimit masiv nuk mund të akuzojnë të tjerët për spiunim. Të amenstuarit për krime të rënda nuk mund ta drejtojnë gishtin kundër të tjerëve për ndërmarrje kriminale. Me çfarë fytyre ky pushtet mund të akuzojë një gazetar për shantazh, kur i vetmi mjet qeverisjes është shantazhi dhe presionet.

Fuqishëm solidarizohemi me kolegun Bozhinovski dhe duam ta sigurojmë se do të qëndrom përkrah tij derisa nuk lirohet nga burgu.

Gazetarët burgosen, rrahen, përgjohen, etikohen dhe diskreditohen me të vetmin qëllim që të sprapsen të mos flasin për keqpërdorimin e pushtetit. Mediat për shkak të lidhjeve korruptive me pushtetin janë shëndruan në makineri propagande për të mashtruar qytetarët.

Pushteti refuzon refoma në media, të cilat ndieshëm do të përmirësonin gjendjen me lirinë e shprehjes. Patjetër duhet të ndërpritet dhuna kundër gazetarëve, ndërsa autorët ashpër të ndëshkohen. Radiotelevizoni i Maqedoni patjetër të jetë në shërbim të qytetarëve dhe rregullatori i mediave duhet të jetë i pavaruar nga ndikimet politike.

Kushtetuta e Maqedonisë garanton lirinë e mediave, ndërsa pushteti nuk lejon që kjo e drejtë të jetësohet. Qartë duam ta porositim pushtetin se me asnjë kusht, nuk do të heqim dorë nga beteja për lirinë e fjalës.