KONKURS PËR NDARJEN E SHPËRBLIMEVE PËR GAZETARËТ E SHGM-së PËR VITIN 2017

Shoqata e gazetarëve të Maqedonisë (SHGM) shpallë konkurs për ndarjen e dy shpërblimeve për gazetarë për vitin 2017. SHGM çdo vit ndanë dy shpërblime për gazetarë, shpërblimin  për vepër jetësore, “Kërste Petkov Misirkov”, dhe për gazetari hulumtuese “Jashar Erebara”.

Për shpërblimin vepër jetësore kandidatët mund të paraqiten me vetiniciativë ose të propozohen nga tre gazetarë. Në propozimin përveç të dhënave personale të kandidatit, duhet të dorëzohet edhe një përshkrim i shkurtër për arritjet e tij të posaçme në jetë që kanë lënë gjurmë të pashlyeshme në gazetarinë maqedonase.

Kandidatët për shpërblimin vjetor për gazetari hulumtuese konkurrojnë me hulumtime serioze gazetareske të botuara në vitin 2017, kushtuar çështjeve të rëndësishme për bashkësinë. Storjet duhet të zbulojnë keqpërdorimet e pushtetit dhe shkeljen e të drejtave dhe lirive të njeriut. Ato duhet të jenë origjinale dhe të mbështetura në fakte të provuara nga burime të ndryshme të informatave.

Në aplikacionin për shpërblimin për gazetari hulumtuese,  storja duhet të dorëzohet në formatin burimor dhe dy kopje.

Aplikacionet duhet të dorëzohen në SHGM jo më vonë se 05 shkurt të vitit 2018.

Aplikacionet për dy shpërblimet mund të dorëzohen:

• Me postë, në adresën Shoqata e gazetarëve të Maqedonisë, Gradski zid, blok 13, 1000 Shkup, RM;
• Me postë elektronike në adresën : contact@znm.org.mk
• Personalisht në dorë në zyrën e SHGM

Paraqitjet duhet të shënohen “Për shpërblimet”.

Fituesit të shpërblimit për vepër jetësore do t’i ndahet plaketë, ndërsa storja më e mirë hulumtuese do të shpërblehet me plaketë dhe 500 euro.

Përzgjedhjen e fituesve për vepër jetësore dhe gazetari hulumtuese do ta bëjë Komision i veçantë për ndarjen e shpërblimeve të SHGM.

Personi për kontakt për informacione lidhur me aplikimin për shpërblimet është: Elizabeta Stoleva: 02/3 116 447 ose në postën elektronike: contact@znm.org.mk