Konferencë rajonale me gazetarë dhe përfaqësues të parlamenteve kombëtare nga Ballkani Perëndimor
Filana Koka, nënkryetare e SHGM-së dhe Milan Spirovski, hulumtues në një projekt të SHGM-së, morën pjesë në konferencën ndërparlamentare rajonale në Sarajevë me temën “Përmirësimi i legjislacionit për median në Serbi, Maqedoninë e Veriut, Malin e Zi dhe Bosnje-Hercegovinë”. Në këtë takim morën pjesë përfaqësues të shoqatave të gazetarëve nga rajoni si dhe nga parlamentet kombëtare, ndërsa temat e bisedës kishin për qëllim përmirësimin e bashkëpunimit ndërmjet gazetarëve dhe organeve legjislative.
Në këtë ngjarje, kolegëja Koka tha se ngjarje të tilla rajonale shërbejnë për të kujtuar shoqatat e gazetarëve për nevojat e gazetarëve, si dhe për proceset e bllokuara që janë të rëndësishme për punën e rregullatorit, servisit publik, por edhe për mediat private.
Kjo konferencë është e organizuar si vazhdimësi e dialogut të filluar nga përfaqësuesit e shoqatave të gazetarëve dhe deputetët në Shkup në nëntor të vitit 2021, kur u nënshkrua Deklarata për avancimin e dialogut ndërmjet shoqatave të gazetarëve dhe parlamentet kombëtare në Ballkanin Perëndimor. Me këtë Deklaratë, parlamentet dhe shoqatat e gazetarëve të katër vendeve të Ballkanit Perëndimor pranuan se do të punojnë së bashku për përmirësimin e legjislacionit për mediat në mënyrë që të përmirësohet liria e mediave dhe siguria e gazetarëve në përputhje me proceset integruese në Bashkimin Evropian.
Gjatë takimit fjalime mbajtën edhe Vjollca Bajrami, nënkryetare e kabinetit të Kryetarit të Kuvendit dhe Aleksandra Micoska Mitevska, udhëheqëse e departamentit për marrëdhënie me publikun në Kuvendin e Maqedonisë së Veriut.
Konferenca është e organizuar në kuadër të projektit rajonal “Përmirësimi i dialogut ndërmjet shoqatave të gazetarëve dhe parlamenteve në Ballkanin Perëndimor për një sektor më të fortë civil”, i financuar nga SIDA, në kuadër të projektit “Mbrojtja e hapësirës civile – qendër rajonale për zhvillimin e shoqërisë civile” i zbatuar nga BCSDN.
