Këshilli Programor i RTVM-së dhe SHGM: buxheti i RTVM-së është duke u zvogëluar në mënyrë jotransparente

Këshilli programor i RTVM-së dhe Shoqata e Gazetarëve të Maqedonisë (SHGM) informojnë se në
Kuvendin e Republikës së Maqedonisë së Veriut aktualisht është duke u ndryshuar Ligji për shërbime
mediatike audio dhe audiovizuele, i cili parasheh zvogëlim të buxhetit vjetor të Radio Televizionit të
Maqedonisë (RTVM).

Këto ndryshime bëhen me procedurë të shkurtuar, në mënyrë jotransparente dhe pa përfshirjen e
përfaqësuesve të RTVM-së si dhe të komunitetit gazetaresk.
Me ndryshimet parashihet që mjetet për financimin e veprimtarisë radiodifuzive, për funksionimin
dhe zhvillimin e RTVM-së, Ndërmarrjes Publike Radiodifuzioni i Maqedonisë dhe ASHMAA, të cilat
sigurohen nga Buxheti i shtetit në shumë prej 1%, të ulen në 0,9% nga të ardhurat totale të
realizuara në vitin para vitit fiskal. Kjo do të thotë se mjetet në vlerë prej rreth pesë milionë euro, në
vend të zhvillimit të veprimtarisë së radiodifuzionit publik, do të kalojnë në llogaritë e televizioneve
dhe radiove private për të ashtuquajturat fushata me interes publik për tema për të cilat do të
vendosin deputetët nga partitë në pushtet dhe opozitë.

Ky model është i dëmshëm për RTVM-në dhe kërcënon më tej situatën tashmë të brishtë financiare
në të cilën ekziston servili radiodifuziv publik.
Kujtojmë se Këshilli i Evropës në rekomandimet e tij afirmon rolin vital të servileve publike si një
faktor thelbësor për pluralizmin në media, duke ofruar një program gjithëpërfshirës i cili përmban
informata, edukim, kulturë dhe argëtim për qytetarët.

Gjithashtu, në të njëjtin rekomandim, Këshilli paralajmëron se servili publik nuk mund të jetë një
burim i rëndësishëm të informatave të sakta, në kohë dhe plurale nëse nuk është i pavarur nga
ndikimet e ndryshme politike dhe ekonomike. Një nga parakushtet e rëndësishme që RTVM të ketë
pavarësi politike është të ketë financim të qëndrueshëm dhe të mjaftueshëm përmes të cilit do të
mund të përmbushë obligimet e veta ligjore në interes të publikut.