Кëshilli i nderit pranë SHGM-së distancohet nga sjellja e Latasit

Pavarësisht se Dragan Pavlloviq Latas nuk është anëtar i Shoqatës së Gazetarëve të Maqedonisë, Kishilli i Nderit distancohet nga sjellja e tij mbrëme gjatë intervistës në TV Sitel me Zoran Zaevin, sepse në këtë mënyre diskreditoi gjithë esnafin e gazetarëve dhe krijoi pasqyrë të shtrembëruar të tij në publik.
Në këtë paraqitje, Pavlloviq shkeli nenet 10, 11, 14, 15 dhe 16 të Kodit të gazetarëve të Maqedonisë. Ai foli me gjuhën e urretjes dhe nxiti diskriminim në baza kombëtare. Sipas nesh, Latas nuk arriti të sigurojë distancë profesionale ndaj të ftuarit dhe u shfaq i anshëm dhe i jobalancuar. Latasi dhe të gjithë gazetarët në Maqedoni duhet të kultivojnë kulturën e komunikimit publik. E papranueshme për gazetarët është të shërbehen me këtë formë të pashembullt të komunikimit. Këshilli konsideron se sjellja e Latasit seriozisht dëmton reputacionin dhe dinjitetin e gazetarisë me atë që shfrytëzoi median për qërim hesapesh me liderin e opozites.
Këshilli i nderit i ShGM gjithnjë do të insistojë dhe do ftojë në respektimin e standardeve profesionale dhe vlerave etike dhe gjithmonë do ti dënojë të gjithë ata që shkelin ato, pavarësisht cilës organizate i përkasin. Respektimi I standardeve dhe i vlerave etike, është në interes të publikut, lirisë së fjalës, dhe të gazetarisë.

Кëshilli i nderit të SHGM
Shkup, 11 Shkurt, 2016