Kërcënimet me vdekje dhe ofendimet ndaj gazetarëve nuk tolerohen , SHGM kërkon reagimin e MPB-së

Shoqata e Gazetarëve të Maqedonisë (SHGM) dënon ashpër narrativin e poshtërimit publik dhe gjuhën e urrejtjes në rrjete sociale drejtuar gazetarit Borjan Jovanovski për të cilën ishim dëshmitarë ditëve të fundit.

Jovanovski, më 28 janar në profilin e tij në rrjetin social Twitter ka shkruar një koment me përmbajtje në kuadër të festimit të ditëlindjes së heroit kombëtar maqedonas Goce Dellçev, i cili tashmë është në fokus të publikut si në vend ashtu edhe në Bullgari. Një koment i tillë i Jovanovskit, i cili është shpërndarë edhe në disa media online, ka shkaktuar reagime në rrjetet sociale të cilat kanë përmbajtje ofenduese, përçmuese, por edhe kërcënime me vdekje.

Urrejtja mund të kërcënojë drejtpërdrejt sigurinë e gazetarëve dhe individëve të tjerë, që do të thotë se përveç autorëve përgjegjësi penale kanë edhe ata që nxisin aktet e urrejtjes.

SHGM për këtë rast do të dorëzojë raport në Departamentin për Krime Kompjuterike dhe Forenzikë Digjitale në MPB. Liria e shprehjes si një nga të drejtat më të rëndësishme të njeriut duhet të promovohet dhe të ushqehet, por në të njëjtën kohë është e duhet të dihet se shfrytëzimi dhe e drejta e lirisë përfshijnë detyrime dhe përgjegjësi.