Shenoll Ahmeti, i punësuar si kameraman në redaksinë shqiptare në Radio Televizionin e Maqedonisë, mbrëmë humbi betejën me koronavirusin dhe ndërroi jetë.

Ahmeti pothuajse tërë jetën kaloi si kameraman në RTVM, dhe ishte anëtar aktiv i seksionit të kameramanëve në SHGM.

“Shenollin do ta kujtojmë si një profesionist të shkëlqyer, një koleg i mirë dhe një mik i vërtetë. Kjo tragjedi vetëm tregon se virusi nuk ka mëshirë dhe se ne, punonjësit mediatik, jemi ndër profesionet më të rrezikuara dhe të ekspozuara ndaj këtij armiku të padukshëm”, thanë nga seksioni i kameramanëve duke shprehur ngushëllime për familjen dhe shokët e Ahmetit.

Ahmeti është punonjësi i dytë mediatik që ndërron jetë nga koronavirusi në Maqedoninë e Veriut. Më 1 qershor ndërroi jetë gazetari Bekim Bajramoski i cili ishte i punësuar në televizionin lokal “Spektra” nga Struga.