Kallëzim në MPB për pengim të punës së kameramanit të TV M Net në Shtip

Ekipi gazetaresk i TV M Net dje është penguar në terren, gjatë kryerjes së detyrave të punës, respektivisht gjatë inçizimit të një aksidenti trafiku në afërsi të Shtipit, afër vendbanimit Star Karaorman, nga një person fizik, pjesëmarrës në aksident trafiku.

SHGM ka kontaktuar drejtpërdrejt me punonjësit e medias TV M Net  të cilët kanë rrëfyer se janë detyruar të thërrasin policinë. Policët kanë qenë jashtëzakonisht të shpejtë dhe korrekt, personi është larguar dhe u është mundësuar puna. Për këtë rast kolegët kanë bërë kallëzim në MPB.

Ky qëndrim ndaj gazetarëve dhe kameramanëve që janë në detyrë në terren është i papranueshëm dhe duhet të sanksionohet nga Ministria e Punëve të Brendshme sepse dhuna ndaj punonjësve të medias është e papranueshme në vendet demokratike.

Kujtojmë se nëse incidente të tilla tolerohen në të ardhmen, ekziston rreziku i nxitjes së dhunës së re, më serioze ndaj gazetarëve, duke rrezikuar më tej sigurinë e tyre, të drejtën e lirisë së shprehjes dhe të drejtën e informimit të qytetarëve.

SHGM ka ofruar ndihmën juridike falas dhe do e ndjekë rastin dhe masat që do ti ndërmerr MPB.