Me propozim të SHGM-së, dje në Kuvendin e Republikës së Maqedonisë së Veriut u mbajt një takim në të cilin morën pjesë Kryetari i Kuvendit Talat Xhaferi, Kryetari i SHGM-së Mlladen Çadikovski dhe Drejtori Ekzekutiv i SHGM-së Dragan Sekullovski.

Gjatë takimit u bisedua për mundësinë për tu organizuar ngjarje këtë vjeshtë, në të cilat do të ftohen një grup deputetësh dhe gazetarësh. Qëllimi i këtyre aktiviteteve është të diskutohet për përmirësimin e transparencës në punën e Kuvendit për gazetarët dhe mediat, si dhe të bëhet përmbledhja e përshtypjeve nga puna e Kuvendit me gazetarët dhe mediat në kushte të krizës së shkaktuar nga pandemia aktuale.

Kryetari Xhaferi dhe Kryetari Çadikovski gjithashtu diskutuan për mundësinë për tu organizuar një konferencë rajonale në Shkup me pjesëmarrje të deputetëve nga Bosnja dhe Hercegovina, Mali i Zi dhe Serbia, si dhe gazetarë nga shoqatat nga këto vende me idenë që të inkurajohet bashkëpunimi rajonal mes deputetëve dhe gazetarëve.

Përveç kësaj, u bisedua edhe për mundësinë për të nënshkruar një deklaratë e përbashkët nga kuvendet e këtyre vendeve me qëllim që të përmirësohen zgjidhjet ligjore në kontekstin e përmirësimit të sigurisë së gazetarëve.