Iniciativa për mbrojtjen e të drejtës autoriale të fotoreporterëve profesionistë 

Me iniciativë të anëtarëve të seksionit të fotoreporterëve të SHGM-së u mbajt takim pune ku u diskutua për sfidat dhe trendet e kësaj fushe. 

Në takim ishte i pranishëm edhe një avokat i angazhuar nga SHGM, me të cilin u diskutua për mekanizmat ligjorë që mund të ndërmerren në rast të “vjedhjes së fotografive autoriale”. 

Anëtarët e seksionit vendosën që në të ardhmen është e nevojshme të zhvillohen takime me institucionet kompetente, të cilave do ti parashtroheshin kërkesa për ndryshime ligjore por edhe mbështetje institucionale dhe proaktivitet në mbrojtjen e të drejtës autoriale të fotoreporterëve profesionistë. 

SHGM në periudhën e ardhshme, në drejtim të përmirësimit dhe mbrojtjes së të drejtave autoriale të fotoreporterëve, do të realizojë takime me Ministrinë e Kulturës si organ kompetent për zbatimin e Ligjit për të drejtën autoriale dhe të drejtat tjera të ngjashme, si dhe takim me prokurorët nga Prokuroria Themelore Publike në Shkup, duke marrë parasysh se edhe shkelja e këtyre të drejtave njëkohësisht është edhe vepër penale.