Informata për kuvendin e rregullt zgjedhor të SHGM-së
Të nderuar kolegë dhe kolege,
Ju njoftojmë se kryetari i Shoqatës së Gazetarëve të Maqedonisë (SHGM), Mlladen Çadikovski, në përputhje me nenin 37 të Statutit, thërret kuvendin e rregullt zgjedhor të SHGM-së në të cilin do të zgjidhet kryesia e re e SHGM-së.
Gazetar(e)ët dhe punonjësit mediatik që dëshirojnë të marrin pjesë në kuvendin zgjedhor, i cili do të mbahet më 3 dhjetor (e shtunë) në Shkup, duhet ta përditësojnë anëtarësimin e tyre jo më vonë se 25 nëntor (e premte) viti 2022, sipas vendimit të Këshillit Drejtues të SHGM-së.
Kandidaturat (formulari në vijim) për kryetar të SHGM-së, për anëtarë të Këshillit Drejtues, Këshillit Mbikëqyrës dhe për anëtarë të Këshillit të Nderit duhet të dorëzohen në formë të shkruar jo më vonë se 29 nëntor (e martë) viti 2022 në zyrën e SHGM-së, në adresën: Shoqata e Gazetarëve të Maqedonisë, rr. Gradski Zid Blok 13, 1000 Shkup ose të dërgohet në mënyrë elektronike në e-mail adresën e SHGM-së contact@znm.org.mk duke shkruar në titullin e porosisë: “KANDIDATURË për (kryetar ose anëtar të organit të caktuar)”.
Sipas akteve të SHGM-së:
- Për kryetar të SHGM-së mund të kandidohet çdo anëtar i rregullt i SHGM-së i cili ka mbështetjen nga së paku 10 (dhjetë) anëtarë të rregullt.
- Për anëtar të Këshillit Drejtues dhe Këshillit Mbikëqyrës mund të kandidohet çdo anëtar i rregullt i cili ka mbështetjen nga së paku 5 (pesë) anëtarë të rregullt të SHGM-së.
- Për anëtar të Këshillit të Nderit mund të paraqitet çdo anëtar i rregullt me mbështetje nga 5 (pesë) anëtarë të rregullt
Të gjithë kandidatët duhet t’i kenë përmbushur obligimet e tyre ndaj SHGM-së.
Informata më të hollësishme për kushtet për kandidim në organet e SHGM-së mund të gjenden në Statutin e SHGM-së dhe në Rregulloren e punës së kuvendit, të cilat janë të disponueshme publikisht në ueb faqen e Shoqatës së Gazetarëve të Maqedonisë.
Për çdo pyetje që mund të keni, lirisht mund ta kontaktoni zyrën e SHGM-së përmes postës elektronike: contact@znm.org.mk, ose në numrin e telefonit: 02/3298-139.
Me respekt,
Mlladen Çadikovski,
Kryetar i SHGM-së
02.11 2022, Shkup
