I prezantuar publikimi “Zbatimi i Ligjit për përgjegjësi civile për ofendim dhe shpifje në procedurat gjyqësore kundër gazetarëve”

Shoqata e Gazetarëve të Maqedonisë sot prezantoi publikmin “Zbatimi i Ligjit për përgjegjësi civile për ofendim dhe shpifje në procedurat gjyqësore kundër gazetarëve“. Autorë të këtij publikimi janë gazetaret Maja Jovanovska dhe Gordana Duvnjak.

Janë analizuar gjithësej shtatë procese gjyqësore për të cilat tashmë ka një verdikt gjyqësor. Në shtatë raste e para, paditë janë refuzuar si të pabaza, respektivisht nuk është konstatuar përgjegjësia e gazetarëve të paditur për fjalime shpifëse. Në këtë moment, sipas njohurive të SHGM-së, ekzistojnë 39 procese gjyqësore kundër gazetarëve që nuk janë të përfshira në analizë, pasi për to ende nuk ka një verdikt të plotëfuqishëmm gjyqësor.

Në promovimin e analizës foli drejtori ekzekutiv i Shoqatës së Gazetarëve të Maqedonisë i cili përmendi aspektet nëpërmjet të cilëve janë analizuar shtatë verdiktet. “Shtatë verdiktet janë analizuar nga më shumë aspekte: nga kohëzgjatja e procedurës, nga nxjerrja e provave nga ana e gjykatësve, vlerësimi i gjykatësit dhe balancimi mes interesit publik dhe mbrojtjes së imazhit dhe nderit të paditësve, mënyrën dhe sasinë se sa gjykatësit thirren në praktikën gjyqësore të Gjykatës Evropiane për të drejtat e njeriut”, tha ai.