Harlem Dezir jep mbështetje për Regjistrin e online mediave profesionale
Përfaqësuesi i lartë i OSBE-së për Lirinë e Medias, Harlem Dezir, shprehu mbështetje për Regjistrin e online mediave profesionale, i cili u promovua dje nga Shoqata e Gazetarëve të Maqedonisë dhe Këshilli për Etikë në Mediat në Maqedoni.
Dezir përshëndeti iniciativën për vetë-rregullim, sipas së cilës mediat online që do të jenë pjesë e Regjistrit do të duhet të respektojë Kodin e gazetarëve në punën e tyre, të kenë një financim transparent dhe të kenë impresum. “Vetë-rregullimi i mediave është një mekanizëm i dobishëm dhe kontribuon që të kemi informim më cilësor, mbrojtje të lirisë editoriale dhe forcimin e besimit në mediat,” tha Dezir.
