Gutierez: Gazetarëve u bëhen shtypje dhe kërcënime nga pushteti

Sekretari gjeneral i Federatës Europiane të Gazetarëve Rikardo Gutierez i cili ka ardhur në Maqedoni me ftesë të Shoqatës së gazetarëve në Maqedoni, shprehi shqetësimet për gjendjen e medias, para së gjithash, për sulmet ndaj gazetarëve. Por, ka shprehur edhe kritika të mprehta për retorikën anti-gazetareske për të cilën, sipas tij, përgjegjësinë e mbajnë politikanët në pushtet, para së gjithash Gruevski, si dhe të tjerët. Edhe pas rekomandimeve të Këshillit Europian për mbrojtje të gazetarëve, ato në Maqedoni jo vetëm që sulmohen por edhe burgosen. Fakt i cili e radhit Maqedoninë në grup me Rusinë, Turqinë, Malin e Zi dhe Azerbejxhanin.

Është e papranueshme në një shtet anëtar i Këshillit të Europës, qytetarë, ende më pak gazetarë, të qëndrojnë në paraburgim më shumë se një vit. Kjo është në kundërshtim me standardet europiane. Maqedonia, theksoi Gutierez, është në vendet e fundit në Europë kur flitet për lirinë e medias. Numër i madh i gazetarëve janë shprehur që ndjejnë shtypje gjatë kryerjes së detyrave profesionale dhe për këtë arsye vetë-cenzurimi vjen në shprehje. Sipas Gutierez, regullimi i rreptë i medias është i rrezikshëm. Në Maqedoni, thotë ai, ato veçmë janë të rregulluar dhe ligje të reja nuk janë të nevojshme. Rregullimi i tepruar është në kundërshtim me praktikën europiane. Qeveria e kaluar para një viti ka nënshkruar dy rekomandime europiane: njëra për mbrojtje dhe siguri të gazetarëve, e dyta për lirinë e mediave në internet. Me këto rekomandime Qeverisë i është bërë e pamundur që të kufizojë lirinë e shprehjes në internet portalet dhe ajo është pajtuar që nuk do të imponojë dënime të panevojshme.

Ky aktivitet është në kuadër të projektit “Rrjetëzimi i gazetarëve për lirinë e mediave”, i finansuar nga BE, në kuadër të prioritetit për lirinë e mediave të Instrumentit për  ndihmë në para-anëtarësimin (IPA). Ky projekt zbatohet nga ana e ShGM në bashkëpunim me Federatën Europiane të Gazetarëve.

26 prill, viti 2017, Shkup