Gjykata refuzoi kërkesën për censurë të “Gjakut të papastër”                                                         

Shoqata e Gazetarëve të Maqedonisë (SHGM) e mirëpret vendimin e Gjykatës Themelore Civile Shkup me të cilin refuzohet kërkesa për masë të përkohshme gjyqësore, me të cilën u kërkua që të pandehurit të urdhërohen nga Gjykata që menjëherë të heqin përmbajtjen e publikuar me titullin “Gjaku i papastër”, gjegjësisht postimet e tyre për videon dokumentare me të njëjtin titull në RTVM, kanalin e IRL-së në YouTube dhe në profilin e IRL-së në Facebook.

Kjo vjen pas padisë së ngritur kundër Laboratorit të Raportimit Investigativ (IRL) nga ana e doktorit Zhan Mitrev dhe spitalit privat – “Spitali Klinik Zhan Mitrev” – Shkup.

Në IRL është paraqitur një padi për përcaktimin e përgjegjësisë civile për shpifje dhe kompensimin e dëmit jomaterial në shumë prej 1.200.000 denarë.

Lidhur me këtë, SHGM-ja reagoi në mbrojtje të së drejtës së lirisë së shprehjes dhe raportimit në opinion, gjegjësisht kërkesa për fshirjen e “Gjakut të papastër” është absurde dhe e rrezikshme. SHGM për këtë përpjekje për censurim informoi partnerët e saj ndërkombëtarë Federatën Evropiane të Gazetarëve (EFJ) dhe Federatën Ndërkombëtare të Gazetarëve (IFJ).