Gazetarët nga qendra rajonale e SHGM-së në Tetovë: Institucionet të dërgojnë ftesa për ngjarje me interes publik në kohën e duhur për të gjitha mediat

Gazetarët nga qendra rajonale e SHGM-së në Tetovë mbajtën një takim pune në Tetovë, ku diskutuan për problemet aktuale me të cilat ballafaqohen dhe zgjidhjet e mundshme.

Gazetarët nga qendra rajonale e SHGM-së në Tetovë apelojnë tek institucionet në nivel lokal dhe qendror që të gjithë gazetarëve t’u dërgojnë ftesa me kohë sepse është në interes të publikut.

U diskutua edhe për statusin e korrespondentëve pasi disa prej tyre punojnë pa sigurim shëndetësor dhe pensional.

Në këtë kontekst, ata theksuan rëndësinë e zbatimit të propozimit të SHGM-së që televizionet me koncesion kombëtar të kenë ligjërisht korrespondentë nga qendrat rajonale me status të rregulluar.