Gazetarët në Ballkan janë nën presion – panel i Federatës Evropiane në Zagreb

Në kuadër të mbledhjes vjetore të Federatës Evropiane të Gazetarëve (EFJ) në Zagreb, në panel diskusionin i titulluar si “Journalists under pressure in the Balkans” nga ana e hulumtuesve nga shtatë vendeve të rajonit u prezantzua indeksi për nivelin e sigurisë së gazetarëve nga Ballkani Perëndimor për vitin e kaluar. 

Përfaqësuesi i Shoqatës së Gazetarëve të Maqedonisë (SHGM) Milan Spirovski në rolin e hulumtuesit nga projekti prezantoi treguesit dhe trendet aktuale në kontekstin e sigurisë së gazetarëve në Maqedoninë e Veriut. 

Ai para shtatëdhjetë delegatëve nga shoqatat e gazetarëve nga disa vende evropiane tha se: “Vitin e kaluar numri i sulmeve kundër gazetarëve dhe mediave në Maqedoninë e Veriut është zvogëluar, por politika e përgjithshme e mosndëshkimit vazhdon, veçanërisht në rastet e vjetra kur të janë shkelur të drejtat e gazetarëve. Vetëm dy nga 14 raste janë zgjidhur me vendim gjykate, dhe dënimi publik i aktorëve përkatës për sulmet ndaj gazetarëve është bërë praktikë, por ka shembuj të poshtërimit publik nga përfaqësuesit e partive politike ndaj gazetarëve.” 

Gjatë panelit gjithashtu u theksua se SHGM në vazhdimsi është duke kërkuar të krijohen departamente speciale në gjykatën penale dhe në prokurorinë publike për të rritur efikasitetin në mbrojtjen e të drejtave të gazetarëve, posaçërisht tani, kur jemi në pritje të ndryshimeve të reja në Kodin Penal të cilat ofrojnë mbrojtje institucionale për gazetarët. 

Paneli ishte i organizuar në kuadër të mbledhjes vjetore të FEG-së, e cila përfaqëson mbi 320,000 gazetarë nga 44 vende dhe 70 shoqata gazetareske. Në këtë ngjarje, përfaqësues të SHGM-së ishin Dragan Sekullovski, drejtor i SHGM-së në rolin e delegatit dhe Milan Spirovski si hulumtues dhe koautor i raportit vjetor për treguesit e sigurisë së gazetarëve. 

08 tetor, viti 2021, Zagreb