Gazetarët e qendrës “Istok”: Mbyllen mediat, gazetarët mbesin pa punë

Gazetarët e qendrës rajonale “Istok” zhvilluan debatë për gjendjen e gazetarisë në shtetin tonë. Debati është mbajtur në Berovë, më 17 qershor, viti 2017.

U analizua një hulumtim që është zbatuar nga gazetarët e qendrës. Tema e hulumtimi ishte gjendja e mediave dhe gazetarëve në rajonin Lindor, Juglindor dhe Verilindor. Sipas hulumtimit gjendja e mediave dhe gazetarëve jashtë Shkupit është duke u keqësuar sepse janë mbyllur shumë media, shumë gazetarë kanë mbetur pa punë, ndërsa qytetarët ngelin pa cilësinë dhe sasinë e informatave.

Njëkohësisht rrogat e gazetarëve që kanë kryer studimet, ato të gjeneratës së mesme si dhe ato që janë të arsimuar janë minimale, ndërsa në gjendje të njëjte janë edhe kameramanët, teknikët dhe të gjithë të punësuarit në mediat elektronike dhe të shtypura.

Veçanërisht theksohet fakti që RTM si servis nacional dhe MIA si agjenci nacionale për informata, të cilët janë të paguar nga të gjithë qytetarët e shtetit ndaj brendshmërisë së shtetit sillen në mënyrë injorante, joprofesionale, papërgjegjshme… Ato nuk kanë korrespodentë të punësuar, gazetarë të angazhuar me honorarë e kryejnë punën dhe atyre nuk u paguhen shpenzimet e udhëtimit dhe nuk ju sigurohen kushte teknike për punë.

Gazetarët e rajonit janë të brengosur sepse ekziston rreziku (problemet financiare) që të mbyllen më shumë media lokale dhe rajonale dhe me atë jo vetëm që do të goditen përfaqësuesit e këtij profesioni aq të bukur, por do të dëmtohen edhe qytetarët që nuk jetojnë në kryeqytetin në aspekt të informatave të përditshme që janë të rëndësishme për ato. Kjo situatë është brengosëse posaçërisht nëse dihet se informacioni në kohë, cilësor dhe i drejtë është bazë për përparim të secilës shoqëri.

Shtip, 18.06.2017

Ivan Bojaxhiski