Fyerje të vrazhda ndaj gazetares Dodevska; drejtori Ramadani të japë dorëheqje menjëherë

Në vend që t’i përgjigjet pyetjes legjitime gazetareske për funksionimin e ngrohtores Shkup, Sever, drejtori Kushtrim Ramadani i drejtoi fyerje dhe nënçmime të vrazhda gazetares Katerina Dodevska nga ueb portali MKD.mk.

Në një bisedë telefonike mes koleges Dodevska dhe drejtorit Ramadani, lidhur me temën për dhënien e lejeve për këtë ngrohtore, Ramadani në mënyrë të vrazhdë dhe me fjalor të papërshtatshëm e shau gazetaren me fjalët: “Pi*ka ti materina… mater ti e*am!”

SHGM paralajmëron se sjellja e tillë ndaj gazetarëve dhe punonjësve mediatik nga ana e personave përgjegjës është e papranueshme dhe pashembullore. Përballja personale me gazetarët apo punonjësit mediatik nuk mund të justifikohet në asnjë rast dhe për këtë arsye sjellja e tillë mund të çojë në vetcensurë. Marrëdhënia e tillë paraqet gjithashtu një presion mbi lirinë e informimit të publikut dhe kërcënim për interesin publik.

Përveç kësaj, drejtori Ramadani, sipas bisedës së publikuar në mkd.mk, e ka kërcënuar gazetaren Dodevska me padi pa kurrfarë arsye, që më tej flet për kapacitet të ulëta për komunikim profesional.

Shoqata e Gazetarëve të Maqedonisë është në dispozicion të koleges Dodevska për ndihmë juridike falas dhe përfaqësim në gjykatë lidhur me këtë rast.