Forumi gazetaresk mbështet punën e SHGM-së

Më pesë dhjetor në Dhomën publike u mbajt takimi i rregullt i Forumit gazetaresk, organ konsultativ i SHGM-së i përbërë nga gazetarë me përvojë dhe ekspertë mediatik. Në takimin u diskutua për tema aktuale në lidhje me të drejtat e gazetarëve dhe politika mediatike në vend.

Gazetari Sasho Ordanovski si koordinator i këtij organi e udhëhoqi mbledhjen, ndërsa të pranishëm ishin njëzet përfaqësues që diskutuan për disa pika siç janë: Kuvendi Zgjedhor i SHGM-së, reformat në media dhe Plani 18 i Qeverisë së Republikës së Maqedonisë, për subvencionet që i fituan mediat e shkruara si dhe për tema tjera që kanë të bëjnë me gazetarinë.

Përfundimi kryesor në takimin ishte se Kuvendi Zgjedhor duhet të kaloj në rend sa më të mirë, ndërsa përfaqësuesit e organeve drejtuese në SHGM duhet të vazhdojnë të punojnë për të përmirësuar gjendjen dhe rrethanat në të cilat punojnë gazetarët dhe mediat në Maqedoni.

Forumi gazetaresk ishte i krijuar në vitin 2011 me qëllim që të shërbejë si organ që do të këshillojë Shoqatën e Gazetarëve të Maqedonisë dhe prej atëherë ka mbajtur mbi 15 takime.