Filloi cikli i trajnimeve për gazetarë të rinj

Shoqata e Gazetarëve të Maqedonisë në bashkëpunim me Alfred Friendly Press Partners filluan me zbatimin e trajnimeve për gazetarë të rinj. Ky cikël i trajnimeve është i mbështetur nga Ambasada e SHBA-ve në Maqedoninë e Veriut, ndërsa ka për qëllim t’i përmirësojë shkathtësitë gazetareske të një grupit të gazetarëve të rinj.

Në hapjen e këtij cikli të trajnimeve, para gazetarëve të rinj foli edhe kryetari i SHGM-së Mlladen Çadikovski. Ai tha se nëpërmjet të këtyre trajnimeve ato do të fitojnë shkathtësi që do t’iu ndihmojnë të mund të kryejnë punën e tyre në mënyrë me efikase. “Në këtë mënyrë presim në të ardhmen këto gazetarë të japin shembull pozitiv për atë se si duhet të raportojnë gazetarët në Republikën e Maqedonisë së Veriut, ndërsa me atë do të fitojmë publikë dhe opinion të informuar”, theksoi Çadikovski.

Gjithsej do të mbahen pesë punëtori në qytete të ndryshme të shtetit, ndërsa do të përpunohen tema siç janë: gazetaria e bazuar në të dhënat, gazetaria mobile, prodhimi i video dhe audio materialeve, prezantimi efektiv i lajmeve etj.

Pas përfundimit të trajnimeve, pjesëmarrësit përveç njohurive të fituara që do të munden t’i shfrytëzojnë në punën e tyre të mëtutjeshme, ato do të fitojnë edhe certifikata për trajnime të kaluara me sukses.