Filipçe në takim me SHGM dhe SPGPM: Gazetarët dhe punonjësit mediatik do të vaksinohen në fazën e dytë si pjesë e institucioneve vitale

Ministri i Shëndetësisë, Dr. Venko Filipçe, sot u takua me kryetarin e SHGM-së Mlladen Çadikovski, i shoqëruar nga drejtori ekzekutiv Dragan Sekullovski, dhe dy anëtarë të Bordit Ekzekutiv të Sindikatës së Pavarur të Gazetarëve dhe Punonjësve Mediatik, Tamara Grnçaroska dhe Pavle Belovski.
Gjatë takimit u bisedua për rëndësinë që gazetarët të jenë pjesë e grupeve prioritare për vaksinimin kundër KOVID-19 për shkak të natyrës së punës së tyre dhe rrezikut të lartë të ekspozimit ndaj këtij virusi.

Ministri Filipçe gjatë takimit informoi se sipas Planit Kombëtar për vaksinimin kundër virusit KOVID-19, gazetarët dhe punonjësit mediatik veçmë janë të përfshirë në fazën e dytë të imunizimit dhe i përkasin kategorisë së qytetarëve nga institucionet vitale për funksionimin e shtetit, që do të thotë se gazetarët dhe punonjësit mediatik do të vaksinohen menjëherë pas përfundimit të vaksinimit të grupeve të parashikuara në fazën e parë, për të cilët vaksinimi filloi dje dhe është duke u zhvilluar. Vaksinimi për gazetarët dhe punonjësit mediatik nga radiodifuzerët, mediat e shkruara dhe ato online, në tërë vendin tonë, do të bëhet në bazë vullnetare.

Përgatitjen e listave të punonjësve mediatik të interesuar për vaksinimin duhet ta bëjë çdo medium veç e veç, në bashkëpunim me SHGM-në, SPGPM-në dhe Ministrinë e Shëndetësisë. Termini për vaksinimin e gazetarëve do të përcaktohet në përputhje me protokollet e imunizimit të Ministrisë së Shëndetësisë dhe detajet në lidhje me procedurën e paraqitjes do të ndjekin gjatë dy javëve të ardhshme.