Federata ndërkombëtare e gazetarëve kërkon lirimin e Bozhinovskit

Federata ndërkombëtare e gazetarëve, në Kongresin botëror të 29-të, të mbajtur nga 7 deri më 10 qershor në qytetin francez Angers, miratoi rezolutë urgjente të propozuar nga Shoqata e gazetarëve të Maqedonisë, me të cilën dënohen autoritetet maqedone për arrestimin e gazetarit Zoran Bozhinovski.

Theksojmë se arrestimi i gazetarëve për kinse vepra penale të pabazuara në fakte dhe dëshmi, nuk është praktikë e vendeve të llira dhe demokratike. Këto akuza kontroibuojnë për diskreditimin e gazetarëve si tradhtar dhe kriminel me qëllim të rrënohet besimi i publikut, thuhet në rezolutë.

Kongresi botëror i FNG obligon kryetarin e ri, gazetarin belg Filip Leruth, urgjentisht t’I ftojë autoritetet maqedone, MPB, Gjykatën penale në Shkup dhe Prokurorin maqedon, menjëherë ta lirojnë Bozhinovskin. E drejta e gazetarëve t’I hulumtojnë dhe t’I botojnë shkrimet e tyre është parim themelor I gazetarisë, I cili garantohet me standardet evropjane dhe botërore, si dhe me Kushtetutën e Maqedonisë, theksohet në rezolutë.

FNG shpreh mbështetjen e plotë për gazetarin Bozhinovskin dhe për përpjekjet e Shoqatës së gazetarëve në përojekjet e saj për mbrojtjen e lirinë e mediave dhe të drejtat e gazetarëve.

Përfaqësuesirt e gazetarëve nga e mbarë bota konfirmuan se Bozhinovski në të kaluarën ka botuar shkrime të bazuara në fakte dhe dokumenta, që kanë dëshmuar për implikimin e përfaqësuesve të qeverisë në aktivitete kriminale. Ne besojmë se arsyeja e vetme për arrestimin e Bozhinovskit  pengimi I tij për të mos publikuar shkrime të reja, konstatohet në rezolutë.