Edhe një vendim i turpshëm për gazetarët për ngjarjet e „27 Prillit”
Gjykata Themelore Civile në Shkup sot refuzoi padinë për pengim të së drejtës për informim të qytetarëve si dhe për dëm jomaterial nga frika dhe dhimbja shpirtërore e Goran Trpenovskit i cili gjatë incidenteve në Parlamentin e RMV-së më 27 prill 2017, si gazetar raportonte për median online САКАМДАКАЖАМ.МК (sdk.mk).
Në vendim, gjyqtarja Jovanka Spirovska Paneva, shpjegon se në atë kohë Trpenovski nuk ka qenë gazetar sepse ai punonte në median online САКАМДАКАЖАМ.МК, e cila sipas Ligjit për Media, sipas gjykatëses Paneva, nuk konsiderohet si medium. Përveç kësaj, në këtë vendim, gjykata nuk e njeh të drejtën për informim si kategori kushtetuese, duke vlerësuar se në atë kohë kolegu Trpenovski ishte penguar të informojë publikun maqedonas për zhvillimet në Parlamentin e RMV-së dhe për pasojë nuk ka të drejtë të dëmshpërblehet.
Ky vendim i gjykatës është problematik në disa aspekte, së pari se nuk është në përputhje me praktikën gjyqësore të Gjykatës Evropiane për të Drejtat e Njeriut, ku është e padiskutueshme që mediat online janë media dhe gazetarët që punojnë në këto media janë gazetarë dhe gjykatat tona kanë janë të detyruar të ndjekin praktikën e GJEDNJ-së.
E dyta, gjykata me këtë vendim nuk respekton konkluzën e katër gjykatave të apelit në Republikën e Maqedonisë së Veriut me të cilat mediat online që paraqiten si palë para gjykatave civile të shkallës së parë, kur vendosin në procedurat e fyerjes dhe shpifjes, duhet të kenë të njëjtën trajtim si mediat tradicionale, që nga maji i vitit 2019. Ky përfundim i katër gjykatave të apelit duhet të jetë një mësim që në të gjitha procedurat e tjera ku gazetarët nga mediat online kërkojnë drejtësi para gjykatave, nuk duhet të refuzohen duke shpjeguar se ata nuk janë gazetarë. Vendime të tilla gjyqësore rrezikojnë lirinë e shprehjes dhe diskreditojnë profesionin e gazetarëve, si dhe rolin e mediave në një shoqëri demokratike, për të cilën SHGM në ditët në vijim do të njoftojë organizatat ndërkombëtare që monitorojnë lirinë e shprehjes në vendin tonë.
