Dëshmia e gazetarit Bllagoj Sersemov në lidhje me padinë për shpifje të ngritur kundër tij
Kundër gazetarit Bllagoj Sersemov nga Shtipi është ngritur padi për shpifje dhe dëmshpërblim jomaterial nga një kompani në vend me pronësi të huaj. Gjykata Themelore në Shtip ka dhënë vendim me të cilin i urdhëron të paguajë 60.000 denarë dëmshpërblim për përmbajtje të publikuar në profilin e tij në Facebook, edhe pse gjatë gjykimit nuk janë paraqitur dëshmi për ndonjë dëm të shkaktuar. Rasti paraqet një shembull klasik të një padie SLAPP, ndërsa vendimi tani pritet të rishikohet nga Gjykata e Apelit.
Ajo që është shqetësuese është se, në vend që të inkurajohet gazetaria hulumtuese, po dërgohet një mesazh se çdo kritikë ndaj interesave të fuqishme biznesore mund të sanksionohet.
Në lidhje me këtë rast, më poshtë e përcjellim dëshminë e kolegut Sersemov:
“DUKE HULUMTUAR TEMËN E KREDIVE TË SHPEJTA, ZBULOVA ABUZIME SERIOZE – QYTETARËT PAGUAJNË KAMATA ENORME, DHE KUR NUK MUND TA KTHEJNË BORXHIN, KOMPANITË U DËRGOJNË NJERËZ NË SHTËPI APO NË PUNË, SHPESH ME METODA FRIKËSUESE. NJË PROBLEM SHTESË U SHFAQ KUR U THEMELUA KOMPANIA ‘AGJENCIA KOMBËTARE PËR PAGESA’, EMRI I SË CILËS KRIJON QËLLIMISHT KONFUZION SE BËHET FJALË PËR NJË INSTITUCION SHTETËROR.
PAS PUBLIKIMEVE TË MIA NË M NET TV DHE NË FACEBOOK, MORA NJË PARALAJMËRIM PARA PADISË ME KËRKESË QË T’I TËRHEQ TEKSTET DHE TË KËRKOJ FALJE PUBLIKE. E REFUZOVA, I BINDUR SE BËHEJ FJALË PËR NJË SLAPP PADI ME QËLLIM TË MË HESHTNIN. EDHE PSE KRITIKA IME I REFEROHEJ KOMPANISË QË E KISHTE THEMELUAR AGJENCINË, JO VETË AGJENCISË, GJYKATA DHA VENDIM KUNDËR MEJE, DUKE INJORUAR PROVAT E DORËZUARA” – DËSHMON BLLAGOJ SERSEMOV.
