Dënojmë kërcënimet e përsëritura dhe ofendimet nga drejtori i Agjencisë së Filmit, Tozija
Shoqata e Gazetarëve të Maqedonisë përsëri alarmon për raportin e papërshtatshëm të drejtorit të Agjencisë së Filmit, Gorjan Tozija ndaj gazetarëve.
Kolegia Sunçica Unevska Gvozdenoviç e cila për shumë vite jo vetëm që promovon gazetari profesionale, por gjithashtu respektohet edhe si kritike filmi, kohë më parë raportoi në SHGM e ajo ka qenë subjekt i kërcënimeve dhe ofendimeve nga drejtori Tozija. Ai e ka kërcënuar të njëjtën në profilin e saj në rrjetin social se do ta padisë për shpifje dhe pastaj i ka dërguar diskreditime personale dhe ofendime në lidhje me punën e koleges Unevska.
“Je qesharake me injorancën dhe dashakeqësinë tënde, nëse do të ishe në një vend tjetër nuk do t’ju kishin lejuar të shkruani asnjë fjali, por thjeshtësinë dhe dashakeqësinë do të përpiqem ta justifikosh në gjykatë… turp për ty, dole e poshtër, e ligë, gënjeshtare e cila funksionon me inat dhe injorancë … fatkeqësisht nuk ke më kohë, ashtu do të të mbajnë mend, është për të ardhur keq që dikush të ka dhënë të drejtën e fjalës publike dhe hapësirë për të keqpërdorur”, thuhet në mesazhin drejtuar Unevskës nga profili i drejtorit Tozija.
Përveç fjalëve nënçmuese në mesazhet drejtuar Unevskës, Tozija në mesazhin e tij në mënyrë jonjerëzore aludon për problemet personale, serioze shëndetësore që i ka kolegia Unevska. Kjo është mënyrë skandaloze dhe e ulët komunikimi nga një person përgjegjës i institucionit publik ndaj një gazetari. SHGM-ja gjithashtu do të informojë Qeverinë e Maqedonisë së Veriut për këtë incident dhe do të kërkojë nga autoritetet që Tozija të mbajë përgjegjësi politike për këtë qasje që e dëmton edhe reputacionin e Agjencisë së Filmit, të cilën ai e përfaqëson.
Javën e kaluar kemi marrë një raportim nga kolegët e redaksisë digjitale SAKAMDAKAZHAM.MK se Tozija po kërcënon përmes Zyrës së avokatisë për tre padi për shpifje për artikujt e mëparshëm të këtij mediumi lidhur me punën e Agjencisë. Kujtojmë që një person që ka funksion publik duhet të ketë kapacitet më të madh për kritikë, ndërsa kur kërcënon me padi ndaj gazetarëve, kjo konsiderohet si presion dhe kontribuon në rritjen e vetëcensurës.
