Shoqata e Gazetarëve të Maqedonisë (SHGM) dënon diskualifikimet e rënda dhe e dënon ashpër sjelljen e papërshtatshme të kryetarit të Komunës së Strugës, Ramiz Merko ndaj gazetarit të TV Alfa dhe gazetarëve të pranishëm në konferencën e djeshme për shtyp lidhur me temën e ndërtimeve pa leje në komunën e Strugës.

Theksojmë se figurat publike, posaçërisht funksionarët e zgjedhur u nënshtrohen kritikave publike dhe duhet ta pranojnë këtë si pjesë të punës së tyre dhe duhet të përmbahen nga deklaratat që në çdo mënyrë mund të kuptohen si etiketime të gazetarëve, sepse kjo nuk është në frymën vlerave evropiane dhe demokratike. Deklaratat e  këtilla mund të stimulojnë sulme dhe kërcënime kundër gazetarëve nga pjesëtarë partiak, dhe kjo mund të sjellë në shumë pasoja negative.

Mediat dhe gazetarët e lirë janë baza e funksionimit të çdo shoqërie demokratike dhe parakusht për këtë liri është mundësia e profesionistëve mediatik për të punuar në një atmosferë të çliruar nga kërcënimet dhe fyerjet. Gazetarët punojnë për publikun dhe veprimet e tyre lejohen të kritikohen, por vetëm nëse janë të argumentuara mirë, të kulturuara dhe nëse nuk shkaktojnë gjuhë urrejtjeje, thirrje për të rrezikuar sigurinë e tyre dhe të ngjashme. U bëjmë thirrje kryetarëve të komunave, në të ardhmen, si përfaqësues të partive politike, të punojnë seriozisht në marrëdhëniet e tyre me gazetarët, sepse pikërisht ata janë arsyeja kryesore për renditjen e dobët të vendit në indekset botërore për lirinë e mediave dhe sigurinë e gazetarëve.