Dënоhet përhapja e dezinformimeve nga ana e deputetit Stevananxhija për gazetarët Jovanoski dhe Hristov

Shoqata e Gazetarëve të Maqedonisë dënon deputetin Dimitar Stevananxhija, i cili në profilin e tij në Twitter publikoi fotografi duke komentuar se në të janë kolegët Borjan Jovanovski dhe Bobi Hristov duke marr pjesë në hapjen e një restoranti kontrovers në Ohër. Sipas kolegëve Jovanovski dhe Hristov bëhet fjalë për fotografi e rreme nga një objekt në Qendrën Tregtare në Shkup dhe ajo ka shërbyer vetëm për të prishur imazhin e tyre si gazetarë.

SHGM sugjeron se me etiketimin dhe shpërndarjen e dezinformimeve për gazetarët, veçanërisht kur kjo vjen nga deputetët e Kuvendit të Republikës së Maqedonisë së Veriut, mund të dëmtojë seriozisht integritetin profesional dhe reputacionin e gazetarëve, duke zvogëluar kështu besimin e publikut në mediat.

Përveç kësaj, personat publik, dhe posaçërisht deputetët duhet të shërbejnë si shembull dhe të kenë shumë kujdes për mënyrën e komunikimit me gazetarët dhe me publikun.

Kërkojmë nga deputeti Stevananxhija të publikojë demant për të pavërtetën që ka publikuar dhe t’u kërkojë falje gazetarëve për pasojat e mundshme nga ajo shpallje.